ZEREGINAK, Apirilak 30

INGELESA

- Learn the next five irregular verbs from the list and write sentences using them in the notebook. (Pay - Ring) 

- Aditz irregularretako zerrendan hurrengo bost aditzak ikasi eta hauekin esaldiak asmatu koadernoan. (Pay - Ring)

EUSKARA

Astelehenean bidali genuen iritzi testua, "Mugikorrak, sare sozialak eta whatsapp" testua zuzenduta duzue zuen drive dokumentuan.

Sartu zuen drive dokumentura, eta bertan irakasleek lanaren amaieran idatzi dizuen testua irakurri, eta ondoren lana zuzendu (mesedez, ez borratu irakasleek amaieran idatzi dizuen testua).

GHB

Asteburu luzea dugunez aurretik, Euskarazko "AUPA ETXEBESTE" filmea ikustea proposatzen dizuegu. Ondorengo esteka honetan duzue filmea ikusgai. 

AUPA ETXEBESTE FILMEA

Ondoren, behin filmea ikusten duzuenean, ondorengo loturan dituzuen galderak erantzun beharko dituzue, filmearen inguruan hausnarketa bat eginez. 

Dokumentu honen kopia bat egin beharko duzue, eta behin kopia bat eginda, Euskarako karpetan gorde.  Ondorengo esteka honetan duzue filmearen hausnarketa egiteko dokumentua.

AUPA ETXEBESTE FILMEAREN HAUSNARKETA

OHARRA

EGIN GABEKO ASTEKO LANAK:

Aste honetako lanen bat egin gabe baduzue, zuen tutoreen mezu bat jasoko duzue egin gabe duzuela jakinaraziz, eta lan hori egin beharko duzue. 

Bestalde, datorren asterako gogoratu honako zereginak dituzuela:

- Plastika: Zumetaren inguruko bi zereginak, hau da, marrazkia eta artelanaren deskribapena, Maiatzak 4, astelehenerako.

- Euskara: Zuen gustuko plateraren errezeta, audioa eta collage-a, Maiatzak 4, astearterako.

ETXEALDITIK EUSKARALDIRA EGITASMOA

Aurreko ostiralean, etxealditik euskaraldira egitasmoaren barruan, gaiarekin lotutako marrazkiak egitea proposatu genizuen. Jarraian duzuen estekan dituzue zuek bidali zenituzten lanak. Ikusi eta gozatu egindako lanekin. 

ETXETIK EUSKARALDIRA MARRAZKIAK

GOGORATU BIHAR MAIATZAK 1 DELA, HAU DA, LANGILEEN EGUNA, ONDORIOZ ASTELEHENEAN EGONGO GARA BERRIRO ERE, ONDO PASA ASTEBURUA!

ZEREGINAK, Apirilak 29

ZUZENKETAK:

Aste honetan zehar egin dituzuen hainbat zereginen zuzenketak dituzue ondorengo esteketan. Beharrezko denbora hartu egindako zereginak ongi zuzentzeko. 

• MATEMATIKA (Gainean klikatu): buruketak. 
• INGURUNEA  (Gainean klikatu): zibilizazio ezberdinen inguruko taula. Atzo begiratu bat eman genien zuen zereginei. Gaur, eskaintzen dizuegun informazioarekin zuen taulak aberastu. Gehitzen duzuen informazioa BERDEZ irudika ezazue, mesedez.

GAZTELANIA:

Realizareis una ficha de repaso con el objetivo de reforzar los verbos. Esta vez pondréis en práctica el Condicional Simple. Tendréis que hacer una copia del documento y guardarlo en la carpeta de Gaztelania (DRIVE). Más adelante recibiréis las respuestas. 

VERBOS (CONDICIONAL SIMPLE)  EJERCICIOS (Gainean klikatu)

Recordar que el condicional simple se emplea sobre todo para expresar acciones o situaciones hipotéticas.

Formación del Condicional Simple:

Cantar + ía= Cantaría (YO), Cantar + ías = Cantarías (Tú) ....

MUSIKA:

5. SAIOA: (Gainean klikatu). Gogoratu dokumentuaren kopia bat egin behar duzuela eta ondoren, zuen karpetan gorde. 

Behin lana bukatzen duzuenean, musikako irakaslearekin partekatu. Edozein zalantza izanez gero, berarekin harremanetan jarri, mesedez.

PLASTIKA:

Jakingo duzuenez, Jose Luis Zumeta margolaria hil zen apirilaren 23an. Euskal artistarik esanguratsuenetariko bat zen. Txikitatik hasi zen margotzen. Jarraian ikusiko duzuen bezala, bere obretan kolore biziak (gorriak, horiak eta urdinak) erabili zituen batez ere.

Hona hemen bideo interesgarri bat, Jose Luis Zumetaren inguruan gehiago jakin dezazuen:

Zereginak:

- Lehen zeregina: ZUMETAREN OBRAK (Gainean klikatu) izeneko dokumentua aztertu eta bertatik obrarik gustokuena aukeratu. Euskarako karpeta barruan, dokumentu bat sortu eta bertan aukeratu duzuen obraren irudia itsatsi. Ondoren, Zumetaren obra deskribatu beharko duzue. Zein modutan?

Hona hemen lagungarriak egingo zaizkizuen hainbat galdera:

- Obraren goialdean, behealdean, eskuinaldean, ezkerraldean.. zer ikusten duzu?

- Zer kolore mota erabili ditu Zumetak? Zergatik uste duzue?

- Zer emozio transmititzen dizu irudiak? (Tristura, poza, beldurra .....)

- Bigarren zeregina: Hori bukatzean, figurazioa eta abstrakzioa erabiliz nahi duzuen materialarekin (margoak, pintzelak, errotuladoreak, argizariak ....) kolore biziko marrazki bat egingo duzue orri zuri batean. Gogoratu Zumetaren hitzak:

Zuen artelana bukatzen duzuenean, gogoratu tutoreari argazkia bidaltzeaz.

Plastikako bi zereginak ASTELEHENERAKO, Maiatzak 4, egin itzazue.

ZEREGINAK Apirilak 28

MATEMATIKA

Hona hemen buruketen fitxa. Koadernoan boligrafoz kopiatu eta ondoren arkatzez egin. Aurrerago hauen erantzunak bidaliko dizkizuegu zuzenketak egiteko.

INGELESA

14. Deconstructing a story (BLINK) 

Read the story of "Ghost in town" again and fill in the table. You can listen to the story in the audio (activity 12). You can use the dictionary if you need. When you complete the table in drive share it with your english teacher.

14. Deconstructing a story

"Ghost in town" istorioa irakurri berriz eta taula bete. Istorioa entzuteko audioa 12. jardueran aurkituko duzue. Hiztegia erabili dezakezue beharra izanez gero. Taula betetzeko, drive kopia bat sortu eta bukatzen duzuenean ingeleseko irakaslearekin partekatu.

* Driveko taula, 14.jarduerako izenburuaren ondoan dagoen lainotxoan klikatuta aurkituko duzue.

ASTEKO ERRONKA BEREZIA

Oraingo honetan, zuen gustukoa den plater, (errezeta) bat pentsatzeko eskatzen dizuegu. Plater hau, zuen etxetako sukaldetan prestatzen den zerbait izan behar da. Aukeratu ondoren, errezeta hori pausuz pausu drive dokumentu batean idatzi behar duzue, amaitzeko hau irakurriz audio bat sortuz. 

Nola grabatu dezakezue audio hori? Zuen edota familiakoen mugikorrean, audio grabagailu bat izango duzue (grabadora de voz, notas de voz...). Behin grabatuta, audioa aukeratu edota gainean klikatu eta posta elekroniko bidez tutoreari bidaltzeko-partekatzeko aukera izango duzue.

Eta ondoren errezeta horrekin zer egin behar dut? Jarraitu ondorengo pausuak! Animo!

1- Gustukoa den platerra pentsatu (hotza, beroa, lehen platerra, bigarrena, postrea...) edozer izan daiteke!

2- Errezeta (osagaiak, tresnak eta prozedura) drive dokumentu batean idatzi (euskara arloan).

3- Irakurketa ozena eginez, errezeta irakurri eta audioa grabatu (irakasleari postaz bidali).

4- Aukeratutako plater hori etxeko nagusien laguntzaz prestatu. Ez egin zuek bakarrik!

5- Prestaketa prozesuan zehar 5-6 argazki atera (baita amaierako emaitza ere!).

6- Gaztelanian ikasitako photocollage.com (https://www.photocollage.com/) edota pixlr.com (pixlr editor azalpen bideoa) erabiliz, COLLAGE bat sortu.

7- Collage hori argazki eran (platerraren izena azaldu behar da), tutoreari bidali.

Ea nolako maila erakusten diguzuen! 

Asteko erronka berezi hau egiteko aste bat izango duzue, beraz, EPEA Maiatzak 5 , asteartea, izango da!

MUSIKA

Ostiral honetan, maiatzak 1, Musika Herrian ekimenarekin jarraituko dugu, arratsaldeko 20:00etako txaloen ondoren. Aste honetan txirularekin edo nahi duzuen beste instrumentu batekin jotzeko partitura Hegoak ebaki banizkio izango da. Txirula ez duzuenok edo nahiago duzuenok, abestiaren letra abestu dezakezue.

HEGOAK EBAKI BANIZKIO

ZEREGINAK, Apiriak 27

Egun on! Dagoeneko aste berri baten hasieran gaude!!! Hona hemen lanean hasi aurretik entzuteko abestia.

EUSKARA

Gaurkoan hirugarren iritzi testuarekin gatoz. Oraingo honetan honakoa izango duzue gaia: Mugikorra, sare sozialak  eta whatsapp, onurak eta kalteak. 

Lehenik eta behin, eskema bat egingo duzue eta eskema horretan ondorengo puntuak aipatu behar dituzue.

1- Alde edo kontrako jarrera justifikatzeko-defendatzeko arrazoiak zerrendatu. Arrazoi horietako batzuk autoritatean oinarritutakoak izango dira eta beste batzuk, aldiz, adibidean oinarrituak. Saiatu bakoitzetik gutxienez bat izaten.

2- Ondoren, egindako eskema oinarritzat hartuz testu bat idatziko duzue.

Baldintzak:

-Komenigarria da lehenengo paragrafoan gaiaren sarrera bat egitea. Ondorengo paragrafoetan, gutxienez 4 arrazoi azaldu behar dituzue eta amaieran ondorio bat. Beraz, idatziko duzuen testuak 6 paragrafo izango ditu. 

-Arrazoiak azaltzerako garaian, gogoratu testu antolatzaileak erabiltzea (alde batetik, bestetik, hasteko, hori gutxi balitz, azkenik...)

-Arial 11 edo Times New Roman 12 eta justifikatu.

-Gutxienez orri erdi eta gehienez orrialde bat.

Aipaturiko ESKEMA eta TESTUA driveko dokumentu batean egingo duzue. Gogoratu, sortuko duzuen dokumentua euskarako karpeta barruan gordetzeaz (Izena: Mugikorra, sare sozialak eta whatsapp.)

INGURUNEA

Orain arte Inguruneako gaian historiaurreko eta historiako bost zibilizazio garrantzitsuenak landu ditugu, Paleolitoa, Neolitoa, Egipto, Grezia eta Erroma. Horrez gain, bost zibilizazio hauek gaur egungo egoerarekin ere konparatuko ditugu. 

Gaurkoan landu dugun guztia errepasatuko dugu, eta horretarako zuen tutoreek zuekin dokumentu bat partekatuko dute. Dokumentu horren kopia bat egin beharko duzue, eta Inguruneako karpetan gorde. 

Behin hori eginda, dokumentuan bost zibilizazioei buruzko informazio ezberdina txertatu beharko duzue taula batean, aro bakoitzeko informazio garrantzitsuena bertan txertatuz. Saiatu zaitezte dagokion lekuan informazioa argi eta zehatz ematen.

GORPUTZ HEZKUNTZA

Gaurkoan Gorputz Hezkuntzan koreografia batzuk lantzea planteatzen dizuegu. Aukeran dituzue, gustuko kantua aukeratu eta saiatu ahalik eta ondoen egiten ariketa fisikoa egiten duzuen bitartean musikaz gozatuz.

Komenigarria da aurretik berotze ariketa batzuk egitea, horretarako, hona hemen adibide bat.

Jarraian dituzuen aukera hauetatik gustuko duzuena aukeratu eta gozatu. 

Azkenik, webgune honetan ere oso egokiak diren hainbat saio dituzue: https://www.naiz.eus/eu/zumba

Amaitzeko, komenigarria denez ariketa fisikoa egindakoan lasaitasunera itzultzea, hona hemen haurrentzako egokiak diren yoga ariketa batzuk.

OHARRA

Gogoratu gaur 9:30etan MEET aplikaziotik gurekin harremanetan jartzeko aukera izango duzuela. Ostiraleko postan dituzue pauso guztiak konektatzeko. Animatu zaitezte parte hartzera!

ZEREGINAK, Apirilak 24

ETXEALDITIK EUSKARALDIRA!!

Euskaraldiak martxan jarri du Etxealditik Euskaraldira ekimena apirilaren 20tik aurrera. Egunerokoan etxean sortzen diren egoeretan euskararen erabilera sustatzeko zazpi ideia-proposamenek osatuko dute ekimena. Goizero-goizero Euskaraldiko sare sozialetan bideo labur eta mezu bidez emango dira parte hartzeko jarraibideak.

Informazio gehiago  ELGOIBAR IKASTOLA-ko web gunean.

TUTORETZA:

• Etxealditik Euskaraldira, aurkezpen bideoa ikusi: https://www.youtube.com/watch?v=9aDKT9Q2tzM

• Lehen zereginaren bideoa ikusi eta hau gauzatu: https://www.youtube.com/watch?time_continue=7

 PLASTIKA:

• Euskaraldiko korolezko borobiltxoak margotu eta etxeko leiho eta balkoietan jarri.

• Ondoren, gai honekin lotutako marrazki bat egin, "ETXETIK EUSKARALDIRA" esaldia txertatuz eta euskaraldiarekin lotutako marrazki bat eginez, adibidez; Ahobizi, belarriprest, etab...

Ondorengo irudietan dituzue ideia batzuk:

Egiten dituzuen marrazkiei argazkia atera eta tutoreei bidali posta bidez. Animatu ekimenean parte hartzera!!!

MATEMATIKA:

Hona hemen asteartean bidalitako matematikako ariketen erantzunak. Hartu tarte bat horiek zuzentzeko, mesedez.

GAZTELANIA:


Hemos leído los textos que escribisteis sobre diferentes países y deciros que habéis hecho un buen trabajo. Nos gustaría que os metierais de nuevo en el documento y en caso de tener un comentario del profesor/a, leyerais e hicierais las correcciones necesarias.

ASTE HONETAKO ZEREGINEN EGUNERAKETA:

    Bestalde, tutorearen posta jasoko duzue, egin gabeko zereginak zeintzuk diren adieraziz. Posible da guk zerbait egin gabe dagoela adieraztea eta horrela ez izatea, (asko zarete) beraz, lasai adierazi.

GOGORATU ATZERATUTA DITUZUEN EGINBEHARRAK AMAITZEAN JARRAIPENA EGITEKO, EZINBESTEKOA DELA TUTOREARI POSTA BIDEZ ADIERAZTEA.

--------------------------------------------------------------------------------------------------------------------------


OHARRA

Amaitzeko, PROPOSAMEN BERRI batekin gatoz. Hiru tutoreok hitz egiten jardun dugu eta ASTELEHENEAN, apirilaren 27an, tutore bakoitzak bere ikasleekin google meet aplikazioaren bitartez bideo-dei bat egitea pentsatu dugu. 

Orain arte egin dugun bezala, astelehenean goizeko 9:00etan BLOG-ean egunean zehar egin beharreko zereginak azalduko ditugu eta jarraian, 9:30ean BIDEO-DEI txiki bat egingo dugu eguneko zereginak zehaztasun handiagoz adierazi eta zalantzarik izanez gero, argitu ahal izateko. 

Beraz, hona hemen BIDEO-DEI horretan sartzeko eman beharreko pausoak:

- Lehenik eta behin, astelehenean zuen tutorearen partetik posta bidez mezu bat jasoko duzue. 

- Tutorearen mezua klikatuz gero, ondorengo gonbidapena ikusiko duzue. 

- Ondoren, gelaxka berdean ikusi dezakezuen SARTU BILERAN botoiari klikatuz gero, ondorengoa azalduko zaizue.

- Bertan, pantaila beltzaren behealdean bi ikur ikus ditzakezue. Alde batetik, mikrofonoa eta bestetik, kamera. 

MIKROFONOA (desaktibatua)                               KAMERA(aktibatua)

                                                            

- Lehenik eta behin, kamera AKTIBATU (kameraren gainean klikatuz, kamera aktibatu edo desaktibatu dezakezue). Kamerarik ez duzuenok, lasai egon, ez da ezer gertatzen eta. Ondoren, mikrofonoa DESAKTIBATU (Mikrofonoaren gainean klikatuz, mikrofonoa aktibatu edo desaktibatu dezakezue). Mikrofonoaren bitartez, zuen ahotsak entzuteko aukera izango dugu.

- Ondoren, orrialdearen eskuinaldean SARTU botoiari klikatuz, bileran sartzeko aukera izango duzue.

Astelehenean, goizeko 9:30ean egingo dugun bideo-deia lehenengoa izango da, beraz, LASAI hartu. Egunean bertan edozein zalantza izanez gero, idatzi lasai.

Bertan parte hartzera animatzen zaituztegu!! 

Animatu!!

ZEREGINAK Apirilak 23

INGELESA

-Learn the next five irregular verbs from the list and write sentences using them in the notebook (Light - Meet).

-Aditz irregularretako zerrendan hurrengo bost aditzak ikasi eta hauekin esaldiak asmatu koadernoan. (Light - Meet).

13. Action words in the story. BLINK

Classify the verbs on the table: regular or irregular. (You don´t have to do activities 2,3 and 4).

Sailkatu aditzak taulan: aditz erregular eta irregularrak (2,3 eta 4 ariketak ez dituzue egin behar).

EUSKARA

Gaur Liburuaren Nazioarteko Eguna da eta irakurzaletasuna bultzatzeko asmoz hona hemen gaurko zeregina.

Irakurketak garrantzia handia duela esaten aritu gara azken hilabeteetan. Eta irakurketari etekin handiena ateratzeko egokiena da giro lasaiean egitea, kontzentratzen laguntzeko eta irakurtzen ari den pertsona inguruan duen guztiaz ahaztu eta irakurtzen ari den horretan murgiltzea errazteko. Irakurtzeko abenturan murgiltzea esperientzia zoragarria delako: bidaiatu, amets egin, ikasi, irudikatu, sentitu... dena da posible.

Azken hilabeteetan irakurri duzun liburu gustukoenaren (euskaraz) inguruko laburpen tentagarri bat egitea proposatzen dizugu. 

-Orrialde erdi gutxienez eta orrialde bat gehienez.

-Arial 11 edo Times New Roman 12 + justifikatu.

-Istorioarekin erlazionaturiko irudi bat.

-Driven dokumentu berria: Liburuaren IZENBURUA izenarekin (euskarako karpetan txertatu)

Zer da laburpen tentagarri bat? Nola egiten da?                              

1- Liburua aurkeztu (izenburua, idazlea, marrazkilaria, urtea...)

2- Istorioa zertaz doan gainetik azaldu laburbilduta, pertsonai nagusiak, argumentua...

3- Dena ez kontatu.

4- Ez esan zer gertatuko den edo nola bukatzen den.

5- Zure iritzia ondo azaldu, adjektibo egokiak erabiliz (ona, txarra, interesgarria, entretenigarria...) eta zergatia esan.

MUSIKA

Musika arloko hainbat kontzepturen inguruko teoria landuko duzue (akordeak, harmonia, arpegioa...).

Posta elektroniko bidez jasoko duzue 4. saioa izeneko dokumentua. Kopia bat egin eta zalantzarik baduzue musikako irakasleari galdetu.

ZEREGINAK, Apirilak 22

INGURUNEA

23.jarduera: Greziar eta Erromatar zibilizazioa konparatuko dituzu. Horretarako, lehendabizi BLINK plataforman duzun taula osatuko duzu, 1.ariketako A puntua (bigarren orrialdeko taula) eta bigarren puntuko egia gezurra ariketa (hirugarren orrialdea) soilik.

Ondoren konparaketa hori eskema edo laburpen baten bidez adieraziko duzu DRIVE dokumentu batean. Dokumentu hau Inguruneako karpetan gordeko duzu. Gogoratu komenigarria dela taulako informazioaz gain jarduera ezberdinetan ikusi dugun informazioa txertatzea, informazio zabala eskainiz. 

- Dokumentuaren izenburua: Grezia- Erroma zibilizazioa

- Orrialde bateko dokumentua idatzi beharko da, Arial 11 edota Times New Roman 12 erabiliz.

GAZTELANIA


Actividad 14: Leer el texto informativo para poder realizar las próximas dos actividades.

Actividad 16 y 17: Completar cada uno de los siguientes textos utilizando la palabra o grupo de palabras adecuadas en cada caso. Realizar estos ejercicios en la plataforma de BLINK. 

GORPUTZ HEZKUTZA

Gorputz Hezkuntzan ondorengo proposamena luzatzen dizuegu. Zuen etxekoekin ondorengo mahai jolasa jolastea, elkarrekin jolastuz eta ondo pasatuz, ariketa fisikoa eginez. Jarraian duzuen estekan klikatu eta bertan duzue jolasa. 

GORPUTZ HEZKUNTZAKO MAHAI JOLASA

ZEREGINAK, Apirilak 21

INGURUNEA:

Azkenekoz, Greziako zibilizazioa aztertu genuen. Gaurkoan, Antzinaroko azken zibilizazio handia ikusiko dugu, ERROMAKO ZIBILIZAZIOA.

22.jarduera: Erromatarren asmakizunak izeneko bideoa ikusi ondoren, 2.galderari erantzun. Ondoren, 3.atalean, Erromako bizimoduari buruzko testuak eta irudiak ageri dira. Bertan, testu bakoitza dagokion irudiarekin lotu beharko duzue. Jarraian, C puntuan, erromatarren bizimoduaren zein alderdi aipatzen diren azalduko beharko duzue. Dena BLINK plataforman egin.


Azkenik, bideoan eta irakurritako testuetan oinarrituz, Erromako Zibilizazioari buruzko eskema/laburpen bat egin beharko duzue koadernoan, aurreko zibilizazioekin egin duzuen bezala.

MATEMATIKA:

Lehenengo orrialdean, buruzko kalkulua lantzeko ariketak dituzue eta bigarren orrialdean, zenbaki dezimaldun zein denbora unitateekin burutu beharreko batuketa eta kenketak.

Dena koadernoan egin. (Ostiralean eragiketa hauen erantzunak emango dizkizuegu zuen kabuz zuzenketak egin ahal izateko). 

Gogoratu:

INGELESA:

Activity 12: Ghostly stories. (BLINK plataforman egin)

This activity has got two parts. You can use the dictionary to help you.

- Ghostly stories (1st part): You will find two stories that are mixed up. First of all, decide what story each paragraph belongs to. 

- Ghostly stories (2nd part): Put each story in the correct order. 

Ariketa honek bi zati ditu. Hiztegia erabili dezakezue hitzen esanahia bilatzeko.

- Ghostly stories (1st part) Lehen zatia: Nahastuta ageri diren bi istorio aurkituko dituzue. Lehenik, paragrafo bakoitza zein istoriori dagokion erabaki behar duzue eta dagokion kutxara arrastatu.

- Ghostly stories (2nd part) Bigarren zatia: Istorio bakoitzeko paragrafoak ordenatu behar dituzue.

ZEREGINAK Apirilak 20

Aste honetan lanean hasi aurretik kantu hau entzutea gomendatzen dizuegu! Animo oporren buelta honetan!

EZ GAITU INORK GELDITUKO 

EUSKARA

Irakaskuntza ordenagailuz testua zuzendua duzue driven, beraz, irakasleak idatzitako azalpena irakurri eta egin beharreko aldaketak gauzatu. Kontuan izan, blogean baldintza batzuk ezarri genitula.

Bestalde, gaur, janari lasterreko jatetxeak (MC Donald´s, Burger King, Telepizza...) izango duzue gaia.

Lehenik eta behin, eskema bat egingo duzue eta eskema horretan ondorengo puntuak aipatu behar dituzue.

1- Alde edo kontrako jarrera justifikatzeko-defendatzeko arrazoiak zerrendatu. Arrazoi horietako batzuk autoritatean oinarritutakoak izango dira eta beste batzuk, aldiz, adibidean oinarrituak. Saiatu bakoitzetik gutxienez bat izaten.

2- Ondoren, egindako eskema oinarritzat hartuz testu bat idatziko duzue.

Baldintzak:

-Komenigarria da lehenengo paragrafoan gaiaren sarrera bat egitea. Gutxienez 4 arrazoi azaldu behar dituzue eta amaieran ondorio bat. Beraz, idatziko duzuen testuak 6 paragrafo izango ditu. 

-Arrazoiak azaltzerako garaian, gogoratu testu antolatzaileak erabiltzea (alde batetik, bestetik, hasteko, hori gutxi balitz, azkenik...)

-Arial 11 edo Times New Roman 12 eta justifikatu.

-Gutxienez orri erdi eta gehienez orrialde bat.

Aipaturiko ESKEMA eta TESTUA driveko dokumentu batean egingo duzue. Gogoratu, sortuko duzuen dokumentua euskarako karpeta barruan gordetzeaz (Izena: Janari lasterreko jatetxeak).

GAZTELANIA

Redactar un texto sobre un país para una persona que quiere ir a visitarlo. Para ello tendréis que hacer un esquema teniendo en cuenta los siguientes puntos:

* (1)Situación geográfica, (2)clima, (3)idioma, (4)moneda, (5)costumbres y cultura. (fijos)

*Además de estos, es posible que añadáis otras informaciones como gastronomía, religión, personas famosas, lugares interesantes para visitar... (opcionales)

Después, escribir en forma de texto la información recopilada en el esquema. Recordad que cada tipo de información deberá ir en un parágrafo diferente. 

Características mínimas del texto:

-Titulo: Nombre del país

-5 parágrafos

-Tipo de letra: Arial 11 - Times New Roman 12

-Justificado

-1 página (mín.) 1 página y media (max.)

Todo ello, guardar en la carpeta de lengua castellana.

GOGORATU, ostiral honetan, Apirilak 24ean, Musika Herrian ekimenarekin jarraituko dugula. Hau, ostiralero egiten jarraituko dugu, gure lehioetan, arratsaldeko 20:00etako txaloen ondoren. Aste honetan txirularekin edo nahi duzuen beste instrumentu batekin jotzeko partitura LAU TEILATU. Txirula ez duzuenok edo nahiago duzuenok, abestiaren letra abestu dezakezue.

LAU TEILATU

AZOKA SOLIDARIOA

Martxoaren 10ean LH6. mailakoek azoka solidario bat antolatu genuen. Proiektu honen helburu nagusia, ekimen solidario bat aurrera eramatea izan zen, herriko elkarte bati lortutako dirua emanez eta ikasleen artean kontzientziazioa piztuz. Gure kasuan, NUALA ELKARTEAri bideratu diogu laguntza. Egoera berezi hau dela medio, zoritxarrez oraindik ez dugu aukerarik izan jasotako irabaziak beraiekin partekatzeko, baina egoera hau amaitzen denean eta ikastolara normaltasunez itzultzen garenean, harremanetan jarriko gara elkartearekin eta lortutako guztia beraiei bideratuko diogu. 

Gure ikasleak beraz, ekimen solidario bat lankidetzan planifikatzeko, kudeatzeko eta gauzatzeko gai izan dira azokarako eskulanak lankidetzan sortuz eta une oro gaiarekiko jarrera proaktiboa edukiz. 

Hona hemen aurrera eraman ditugun hainbat lan:

-Gaztelanian, sentimendu eta emozioen collage-ak.

-Plastikan, hainbat eskulan (bufandak, eskumuturrekoak, giltzatakoak …).

-Ingelesean, elikagai osasuntsuekin sandwich-ak.

-Ingurunean, elkartearen inguruko triptikoa.

-Gorputz Hezkuntzan, akrosport koreografiak.

Horrez gain esan, prozesu guztian zehar kooperatiba bat sortu dugula, ikasle oro bazkide bihurtuz, eta bertako organoen bidez ekintzak aurrera eramanez.

Irakasleok egunean bertan gerturatu zineten familia guztiei eskerrak eman nahi dizkizuegu agertutako prestutasuna eta elkartasunagatik. Denoi esker, inizitiaba polit hau ilusioz aurrera eramatea lortu dugu. 

Eskerrik asko!

Hona hemen azoka solidarioko ARGAZKIAK (klik gainean).